الحب مثل النوم .. والوصل .. الاحلام ..... والاشيين من الاحلام..صـد المحبييـن
نوم ٍ طويل ٍ عمره اشهوور واعـواام ..... وان قمت.. ففهمها فرااق وسهر عين
وانا رقدت وعمري اربع عشـر عـام ....... وصحيت في شهر اربعه عام الالفيـن
نوم ٍ ثقيـل ٍ كلـه احـلام واوهـاام ...... ونصيبي من احلامه الجانـب الشيـن
صحّى الفرااق اقلوب في عكسه..نيـام ..... وغاب الفرح وانا بعكسه الى اللحيـن
ياحزن كبدي حزن من ضاق ثم حـام ....... اخذت فروخه مـادرى ليـه ولويـن؟
بعد ما شاف العش عيـدان وعظـام ........ خاالي..تفكر فووق ويساار.. ويميـن
خلا عشاها فيه ومن الوطـى شـاام ..... زبن علـى روحـه وفـل الجناحيـن
وياوجد حالي وجد من نـام ثـم قـام ..... على صياح امه وهـو دون رجليـن
عويق وامـه تنعتـه والنعـت سـام ...... وهو خابر انه يقسم الصـف صفيـن
حبا وصاح بصيحـة ٍ تاصـل الشـام ....... منها تقطّـع فـي خفوقـه شراييـن
على وليف ٍ قسـم اظنونـي اقسـام .... واقفى وانا ما اعرف طـرد المقفيـن
راح وترك في صدري ووسووم واعلام ...... وصى علـي طيفـه وقفـى بقلبيـن
ليتـه تعـذّر كـا ن ماهـو بـمّـلام ....... بعد ماشااف الـدرب بيسيـر دربيـن
اشوى عليه شوي..من عـظ الابهـام ...... واشوى علي شوي..من دمعة البيـن
تمشي بنـا الاقـدام والمـوت قـدام ........ وميعادنـا يمفـرق اثنيـن بعـديـن
ياعيـن لا تبكيـن وعيونـه تـنـام .......... عادش الى ما خـاب ظنـي بترضيـن
لـو الدمـوع اتفيـد فـادن الايتـام .......... ولو الكـلام يفيـد عـادت فلسطيـن
ولو النبـاات يطّلعـه دمعـة هيـام؟ ...... شفتوا على وجهـي ورود وبساتيـن
الحب سجن..وبعد الاحبـاب الاعـدام ..... وقلوبنا السجّـان مـدري مساجيـن
الحب نوم ٍ عمره اشهـوور واعـوام ... وان قمت ففهمها فرااق وسهر عيـن
وانا تراااي انعست مـن مـدة ايـاام ..... لحدن يصحينـي يالاقـداار ..تكفييـن
محمد بن فطيس المري